Ritstjóri

Jakob Jonsson

Jakob Jónsson, ritstjóri, hefur áralanga reynslu af viskísölu, viskískrifum, viskísmökkunum, ráðleggingum og nánast öllu því er viðkemur viskíi. Jakob hefur starfað í viskíbransanum í London síðan 2008, fyrst sem verslunarstjóri í yfir áratug hjá Royal Mile Whiskies, og nú sem annar yfirmaður vefverslunarinnar hjá The Whisky Exchange. 

Jakob stofnaði Viskíhornið Veftímarit snemma árs 2017, með eiginkonu sinni Evu sem er hönnuður, og er Viskíhornið eina íslenska veftímaritið sem fjallar um allt tengt viskíi. Þau hafa einnig nokkra gestaskrifara á sínum snærum, breska viskíspekúlanta. Viskíhornið hefur það að markmiði að kynna viskí fyrir byrjendum og aðstoða við fyrstu skrefin inn í heim lífsins vatns, auk þess að veita upplýsingar og ráðleggingar fyrir byrjendur jafnt sem lengra komna. Þau hjónin stuðla ávallt að ábyrgri og jákvæðri umgengni við áfenga drykki.

Heimur vískísins getur verið flókinn og yfirþyrmandi enda eru ógrynni drykkjarins framleidd um allan heim, þó mestmegnis í Skotlandi. Þar eru um 100 verksmiðjur sem framleiða einmöltunga auk nokkurra sem framleiða kornviskí. Viskí er auk þess framleitt í Japan í miklu mæli, Indlandi, Skandinavíu, Ástralíu, Afríku svo eitthvað sé nefnt, svo ekki sé minnst á allt það sem kemur frá Bandaríkjunum. Jakob er á þeirri skoðun að það sé til viskí fyrir alla – finnist þér viskí ekki gott, þá hefurðu bara ekki smakkað rétta viskíið.

Hægt er að bóka Jakob í smakkanir og kynningar fyrir hópa jafnt stóra sem smáa, endilega sendið okkur línu.

vh_sambandViðtal við ritsjóra í Morgunblaðinu

Frétt á Nútímanum

Grein á mbl.is