Ritstjóri

Jakob Jónsson, ritstjóri, hefur áralanga reynslu af viskísmökkunum, viskísölu, ráðleggingum, viskískrifum og nánast öllu því er viðkemur viskíi. Jakob starfar í London í einni virtustu viskíverslun Bretlandseyja, og er skoðun hans að það sé til viskí fyrir alla. Finnist þér viskí ekki gott, þá hefurðu bara ekki smakkað rétta viskíið.

Heimur vískísins getur verið flókinn og yfirþyrmandi enda eru ógrynni drykkjarins framleidd um allan heim, þó mestmegnis í Skotlandi. Þar eru um 100 verksmiðjur sem framleiða einmöltunga auk nokkurra sem framleiða kornviskí. Viskí er auk þess framleitt í Japan í miklu mæli, Indlandi, Skandinavíu, Ástralíu, Afríku svo eitthvað sé nefnt, svo ekki sé minnst á allt það sem kemur frá Bandaríkjunum.

Viskíhornið kynnir viskí fyrir byrjendum og aðstoðar við fyrstu skrefin inn í heim lífsins vatns. Auk þess veitir ritsjóri upplýsingar, skrifar fréttir og smakkanir, útskýrir mismun milli svæða/landa, mismunandi framleiðsluaðferðir og þess háttar fyrir byrjendur jafnt sem lengra komnum.

vh_samband