Arran er tiltölulega nýr framleiðandi á Isle of Arran (1995) og er með framleiðslugetu upp á 1.2 milljónir lítra árlega, sem er nokkuð gott fyrir unga, einkarekna verksmiðju.
Viskíhornið tók hina nýlegu 18 ára útgáfu til kostanna nýverið.
Angan: Vanilla, sítrus, ávaxtabomba, mjög ferskt. Það finnst töluvert krydd úr eikinni og lykt sem minnir ögn á aðeins of ristaða brauðsneið. Eikin hefur sennilega verið ristuð töluvert.
Bragð: Sætt, en ekki of sætt. Fullkomið jafnvægi. Blómlegt, aldingarður. Ristaða eikin kemur vel fram ásamt vanillunni og hvítu súkkulaði.
Eftirbragð: Nokkuð langt, loðir lengi við með miklum ávexti og vanillu.
Niðurstaða: Virkilega elegant, fágað og margslungið viskí án allrar tilgerðar. Fullkomlega þroskað eftir árin 18 og á góðu verði. Toppviskí!
Viskíhornið 