Ardbeg Day er dagurinn þegar Ardbeg setur á markað nýja útgáfu, í frekar takmörkuðu upplagi.
Fyrri útgáfur hafa verið Ardbeg Alligator, Galileo, Supernova, Auriverdes og Dark Cove svo eitthvað sé nefnt.
Eftirvæntingin er ávallt mikil og menn spenntir að vita hvaða útgáfa sé næst (3. júní 2017) og hvað geri hana sérstaka.
Fréttir voru að spyrjast út um það hver sé næst í röðinni en hún kemur til með að heita Ardbeg Kelpie og er úr ferskum tunnum úr eik sem óx við Svartahaf og er sú fyrsta frá Ardbeg til að vera úr þannig tunnum enda sjaldgæft að nota þær við viskíframleiðslu.
Það verður fróðlegt að sjá hvernig það smakkast enda eins og fyrr segir, fáheyrt að viskí sé úr slíkum tunnum, en þær eru sagðar gefa mikið og sterkt bragð og Kelpie heitið gefur í skyn að það verði frekar salt.
Viskíhornið 