Svæði: Thurso, norður hálönd
Framleiðsla: 135.000 lítrar
Eigandi: Aurora Brewing Ltd.
Stofnað: 2013
Framburður: Wúlfbörn
Eins og við höfum oft komið að hér á ‘Horninu þá eru mörg ný viskíból að hefja starfsemi í Skotlandi og víðar.
Ein þeirra er Wolfburn sem tók fram úr Old Pulteney sem nyrsta verksmiðja hálandanna. Wolfburn er staðsett á sama stað og önnur samnefnd verksmiðja var á 19. öld.
Maðurinn í brúnni er Shane Fraser sem áður hefur starfað hjá Lochnagar og Oban en síðustu 7 árin áður en hann tók við Wolfburn, var hann verksmiðjustjóri hjá Glenfarclas svo einhver er reynslan þar á bænum.
Nú þegar eru komnir út mjög ungir einmöltungar sem lofa góðu um framhaldið. Þær eru Aurora sem er úr bæði búrbon- og sérrítunnum, létt, dálítið sætt með mikinn ávöxt og mjög vel þroskað þrátt fyrir ungan aldur.
Hin er Northland úr búrbontunnum, ögn smærri en vanalega sem hraðar á þroskuninni og með örlítinn móreykjarkeim.
Góð byrjun!
Viskíhornið 